جيرمين عزيز تتعرض للاهانات واتهامها بالكافره وهي ترد شئ يشرفني اني مسيحية

(كتبت روجي فادي لموقع الحق والضلال)

تعرضت عازفة الكمانجا جيرمين عزيز الي اهانات وشتائم من بعض متابعيها لمجرد ان ديانتها مسيحية وتسبب ذلك في تعب نفسيتها وهذا ما جعلها تظهر في بث مباشر من خلال صفحتها علي موقع التواصل الاجتماعي فيسبوك لترد علي هذه الاهانات.

قائلة دا شئ يشرفني اني مسيحية وانا مش كافرة زاي مابتقولوا واللي مش عاجبه ديني يعملي بلوك والله يسامح اي شخص شتمني عشان ديني وانا عمري ماتعديت حدودي مع حد وزاى مانتوا بتقولوا لكم دينكم وليا ديني وفي الاخر المسيحيين والمسلمين اخوات.

واضافت: هذه الاهانات وصلتني من ناس كبيرة ومخرمة المفروض مايطلعش منهم الكلام ده وكلنا بشر لكن كل منا له معتقداته وافكاره وكل منا له حرية الاختيار لطريقه وعيش حياته كما ينبغي ومش مقابل ان بتعامل معاكم حلو انكم تقولوا عليا كفره انا مسيحية وهفضل مسيحية وهتبع تعاليم المسيح ويأما تحترموني وتحترموا ديني ياتطلعوا من صفحتي.