نسبة الأمل للنجاة ٥ شقيق نجلاء يترجي الجميع بالصلاة من اجلها

مازال شقيق نجلاء يطلب الصلاة من اجل شفائها فهذه المرة كتب عبر حسابة الشخصي علي موقع التواصل الاجتماعي فيسبوك قائلا: حالة نجلاء بتسوء رجعنا لنقطة الصفر تاني أختك ممكن تموت في أي لحظة جسمها مش بيستجيب للعلاج المياه اللي على الرئة بتقل شوية وبترجع تزيد تاني مانقدرش نوعدك بأي حاجة لازم تجهز نفسك لأسوأ سيناريو عشان ماتتصدمش هو ده نوع الكلام اللي بسمعه بقالي أكتر من اسبوع.

صراع بين الواقع المُحبط وعشمي الكبير في قدرة ربنا جايز تكون نجلاء مش بتتحسن جايز كمان المفروض اللي في حالتها مايقومش لكن ماعنديش أي شك في إن الله قادر يقومها أنا مصمم أكمل إيمان لحد الآخر ومصمم ماحطش احتمالين أنا بطلب شفا وحياة وبس ومش بجهز نفسي لحاجة تانية السيناريو ممكن يتغير الجبل بيتنقل بالإيمان والشمس بتقف والبحر بيتشق ولو المنطق بيقول إن نجلاء المفروض تموت طيب هو من إمتى ربنا كان بيوقفه المنطق والعقل؟!.

دي آخر حاجة قالوها الدكاتره بالحرف: أختك (لو قامت) مش هاتقوم من الغيبوبة قبل أسبوعين تاني على الأقل كل ما الموقف هايتأزم أكتر أنا هاثبت أكتر وهاعمل اللي عليَّ.

نسبة الأمل للنجاة بقيت ٥٪؜ الدكاترة خلاص بيعلنوا فشلهم بالكامل وماعندهمش حلول لكن لسة الرب يقدر يغير الموقف بالكامل واحنا هانفضل نصلي للثانية الأخيرة وهانفضل متمسكين بالأمل للهزيع الرابع الدكاتره كلهم بيقولوا إن الحل اللي فاضل مش حل طبي الحل الوحيد اللي فاضل إن ربنا يعمل معجزة بترجاكم تصلوا لها يسوع يقدر يشفي نجلاء.

نجلاء في الغيبوبة بسبب مياه على الرئة وجلطة نتيجة COVID-19 عشر أيام صوم وصلاة وحرب شرسة مع أفكار كتير إبليس بيحاربنا بيها لسة نجلاء حالتها حرجة لسة الدكاترة مش بيطمنونا بس لسة إيماننا ثابت ومصدقين إن الله في المشهد.