اختفاء جرجس نادي فانوس منذ ثلاثة سنوات وشقيقة يناشد المسئولين

مرت ثلاثة سنوات علي تغيب جرجس نادي فانوس البالغ من العمر ٢٣ عاماً الذي يعاني من تشنج عصبي ويقيم بمحافظه المنيا مدينه ملوي واسرته لم تيأس ابداً ومازالت تبحث عنه وهي عندها امل كبير في العثور عليه وعودته اليهم وقال شقيقة عبر حسابة الشخصي علي موقع التواصل الاجتماعي فيسبوك.

عارفين يعني ايه شخص متغيب بقاله ثلاثة سنوات ولحد دلوقتي اهله ميعرفوش عنه اي حاجه ابدا وعملو محضر ودورو عليه في كل مكان لكن مفيش فايده اخويا ده تغيب وهو كان عنده ٢٠ سنه ودلوقتي بقي عنده ٢٣ سنه وهو اسمه جرجس نادي فانوس وبيعاني من تشنج عصبي و محل الاقامه المنيا ملوي كل ما اتمناه ان صوتنا يوصل لاي حد مسؤل في الدوله احنا عاوزين نعرف هو فين.

واضاف: يا جماعه ده اخويا متغيب من ثلاثة سنوات كان في عين شمس وعنده مرض نفسي اسمه جرجس نادي فانوس السن ٢٣ سنه ولو حد وصل لحاجه يبعتلي ع الخاص محل الاقامه محافظه المنيا -مدينه ملوي وفيه ناس بيقولوا شافوا عند المعديه ساعدونا في الخير.

أصبحت ظاهرة اختفاء الفتيات القبطيات والشباب الاقباط كبيرة جداً فلا يمر يومان دون الإبلاغ عن اختفاء فتاة أو سيدة قبطية جديدة او شاب قبطي في ظروف غامضة ورغم تحرير محاضر رسمية باختفائهم إلا ان الأمر أصبح روتيني.