انجبت نوفير رغم تاكيد الاطباء انها ستنجب بنت ابونا نوفير يقول ستنجبين ولد

( كتبت روجي فادي )

نشرت احدي السيدات علي صفحة مسيحية عبر موقع التواصل الاجتماعي فيسبوك معجزة رائعة حدثت معها بشفاعة ابونا نوفير قائلة: انا عايزة احكي لكم معجزة رهيبة حدثت معي منذ 14 سنة وهي احلي معجزة في حياتي.

انا عندي 3 بنات وجوزي كان نفسو في ولد وكان هيموت علية وبعدها عرفت اني حامل بعد 3 بنات وكنت خايفة تكون هي كمان بنت وصليت وفي ناس عرفوني علي ابونا نوفير وعطوني رقم تليفونة واتصلت عليه وانا ببكي وبقوله حكايتي.

وانا قولت لي ابونا نوفير لو هي بنت قولي يابونا علشان انزلها قالي لا دة ابنك نوفير وصلي وكملي حملك وفعلا كملت حملي وانا خايفة وطول حملي اتصل علي ابونا وابكي واقولة صليلي فقالي ابونا متعمليش سونار وانا كنت من كتر الخوف كنت كل شهر اعمل سونار والدكتورة تقولي بنت وكل شهر اعرف انها بنت اتصل باابونا وابكي يقولي مش قولتلك بلاش سونار لحد اول الشهر التاسع.

وانا بعمل سونار ونفس الدكتوره تقولي انتي هتجيبي بنت وكانت مستغربة اوي اني كل شهر بسالها نفس السؤال وبعمل سونا وانا كنت طول 9 شهور ببكي وخايفة لحد محصلت المعجزة مع العلم ان الدكتورة اللي بتابع معاها شاطرة جدا وانا متابعة معاها في كل البنات والحمد لللة.

بالفعل كلام ابونا نوفير طلع صح الصح ووصل ابني وحبيبي نوفير ومكنتش مصدقة لاني كنت مصدقة اوي الدكتورة بس ربنا قادر علي كل شيء بالصلاة ومفيش مستحيل عند اللة وشكرا لتعب ابونا نوفير معايا وربنا يطول في عمره.