قلبت الدنيا من هي غاده والى سارقه جداريه المترو

حكاية ( غادة والي ، والرسام جريجوري، والبنات السبعة).كان يا ما كان .كان في 7 بنات شاطرين مجتهدين ، موهوبين ، دينا و ياسمين و ناريمان و سارة حبيبة و نورهان و ياسمينا .

حكايه غاده والى

البنات دول من كام سنه ، كانوا شغالين علي تصميم دعايه سياحية لمدينة الاقصر .

نزلت عليهم بنت بالباراشوت اسمها غادة ، قعدت معاهم اسبوعين ومشيت .البنات كملوا في المشروع ، وفعلا ظهر للنور، لكنه لم يحقق الانتشار .وبعد سنة ، فوجئ البنات دول ، ب إن التصميم بتاعهم ، تم استخدامه في الافتتاحية السياحيه لطريق الكباش ، منسوب لمين؟

لغادة ، صاحبتهم اللي جت قعدت اسبوعين ومشيت .غادة طلعت تقول التصميم بتاعي ملكي ، انا اللي رسمته من افكاري ، ومفيش حد إشترك معايا .وعلشان الافتتاحيه كانت عالميه ، والبنات مش عايزين شوشره تأثر علي الاحتفالية ، ف سكتوا مضطرين .وأخدت غادة كل النجاح ، وتكريمات، ولقاءات ، وبرامج ، ومؤتمرات ، لدرجة انها القت كلمة مصر في مؤتمر للأمم المتحدة ، وبقي لها شهره عالميه .وبعد سنه كمان ، الحكومه عايزه تجدد تصميمات محطات المترو ، ف تم اسناد التصميمات الجديده ل مين ؟ ايوه بالظبط ، صاحبة الصيت والشهره .العبقرينو ، فان جوخ المجره …غاده والي.

سرقه جداريات المترو

وبالفعل قامت غادة بتصميم بعض المحطات ، برسومات ترمز للحضارة الفرعونيه .ولاقت الرسومات استحسان الجميع .إلي أن ظهر مصمم رسومات روسي ، أسمه جريجوري ، بيثبت بالأدلة والبراهين ان الرسومات دي بتاعته ، وانها مسروقه منه .ونزل منشورات في كل المواقع الفنيه العالميه ، بيتهم مصر بسرقة رسوماته ، وبيطالب بالاعتذار والتعويض ، والحاجات دي بره فيها خراب بيوت وتعويضات بالملايين ، ده ممكن يحاسبنا علي إيجار اللوحه باليوم .طيب أول مره ، البنات الغلابه رضيوا بالأمر الواقع وسكتوا ، ومعرفوش ياخدوا حقهم يا غادة .لكن عمنا جريجوري هتعملي فيه ايه يا غاده ؟والتصميمات اللي اتحفرت علي حوائط محطات المترو هنعمل فيها ايه ؟؟

كتب . هيثم الصدفاوي