عمرو مصطفى يوجه رسالة غامضة لأحد الفنانين هطلع أفضحك يا جدو
وجه الملحن والفنان عمرو مصطفى رسالة إلي أحد الفنانين ورمز له بـ جدو وذلك من خلال صفحته الشخصية علي موقع فيسبوك.
وكتب الفنان عمرو مصطفى رسالة لجدو هاتبعت ناس ولجان تشتم علي الصفحة ولا هيهز شعره مني فلوس بترميها علي الأرض هاتبعت ناس تقول صوته وحش مالكش دعوة أنا هغني وصوتي وحش، هتروح تخلي ناس تسرب الأغاني هطلع وأفضحك وساعتها هتكون دي نهايتك بجد.
وتابع الفنان عمرو مصطفى هاتجيب عيال بفلوس تعمل فيديوهات وتقول إن الأغاني وحشة هتنجح غصب عنك لإنها من القلب هتقول فين المشاهدات هقولك مالكش دعوة أنا بعمل الأغاني لنفسي ومش هدفع فلوس زيك يا جدو علشان الناس تشوفني 100000على الفيسبوك بشرف أحسن من ملايين مزيفين يا جدو وفي الآخر اتقل علشان اللي جاي صعب.
واختتم الفنان عمرو مصطفى قائلا نسيت إنك بعت ناس للموزعين اللي بشتغل معاهم في الخارج علشان أنت قلودة قوي بس لما تنزل معاهم هأفضحك عادي.
أغنية عمرو مصطفى الجديدة
يذكر أن الملحن والفنان عمرو مصطفى طرح منذ أيام أحدث أغانيه بعنوان إلا أنا من خلال قناته علي موقع يوتيوب الأغنية من كلمات مصطفى إسماعيل وعمرو مصطفى، ومن ألحان عمرو مصطفى ميكساج رون تايلور وماسترينج كارل.