الوزن زاد وشعرها وقع مروة عبد المنعم تتحدث دون حرج عن أزمتها النفسية

خرجت الفنانه مروه عبد المنعم على جمهورها باخطر التصريحات وكشفت بالتفاصيل عن كواليس وما حدث لها صحيا وتسبب فى أنها ارتدت باروكة وتعرضها التنمر بعد سقوط شعرها بشكل كبير وزيادة وزنها الملحوظ .

ونشرت مروه عبر صفحتها على مواقع التواصل الاجتماعي عدد من الصور التى كشفت ما حدوثها لها وتغير فى شكلها بعد زيادة الوزن وسقوط جزء من شعرها وقالت نصيا (وأخيراً إفراج نهائي من الباروكة..

بعد دوامه نفسيه سيئه جدا دخلت فيها ..وصلتني ل٧٠ كيلو وسقوط شعري بالشكل ده ..اتضطريت ألبس فيها الباروكة..وواحده واحده بدأت أفوق بفضل ربنا وأرجع لوزني وشكلي ...لكن فضل شعري في الأزمه..وطبعا هو ماتعالجش بنسبه ١٠٠ في الميه ..بس أخدت الأمر بالإفراج عنه وتكملة العلاج عادي ..

وتابعت حديثها : انا كان فيه ناس كتير بتقعد تقولي انتي لابسه باروكه ليه ..شكلك مش،حلو فيها ..بس ماكنتش عايزه اقول وقتها ولا عايزه أتكلم .. بس كان الكلام  بيوجعني قوي ويزعلني علي نفسي جدا .. الخلاصه ياجماعه ..محدش ينقد حد علي شكله ..محدش عارف جوه الكواليس فيه ايه بلاش نقد وتعليقات ... لوقتي انا أقدر أقول وأتكلم ولا أخجل

وأضافت : انا مريت بأزمه نفسيه كانت صعبه عليا جدا ..عمري ماكنت اتخيل ان الوجع النفسي ممكن يدمر بالشكل ده ..لحد ماعشته وجربته 
بس اللي كان بيوجع أكتر هو تدخل الناس في شكلي ولبسي للباروكه ..أنا عايزه أقولكم انا أكتر انسانه في الدنيا لا ليا في ميكب ولا باروكه ولا اي حاجه صناعي ..وكون فكرة  إني اربط حياتي بباروكه كنت بتخنق وبموت منها  ..فمكنش ناقص تعليقات كمان ..

واختتمت حديثها وقالت : دلوقتي أقدر أقول لكل الناس اللي قالتلي انتي لابسه باروكه ليه ..اتفضلوا حضراتكم الصوره تتحدث عن نفسها ..

وجاءت تعليقات المتابعين عليها كالتالى :

حبيبتي الف سلامه عليكي ولا يهمك كلها دروس في حياتنا بنتعلم منها وربنا يوفقك

ورد اخر اعملي اللي انتي عايزاه والف سلامة عليكي . عادي انا شعري بيقع فايدي دلوقت بالخصلة النفسية فعلا قادرة تدمر كل حاجة ربنا يعفو عننا يارب

واخر  Mohamed Hassanin Khalifa

يارب يحفظك ويبارك فيكي يامروة مع حفظ اللقب ارمى ورا ظهرك آراء الناس السالبه ولا تضايقى نفسك كل واحد فيه اللى مكفيه وأسأل الله لك الشفاء من كل مرض يؤذيكى ويرزقك الصحة والعافية والبركة في الصحة والعمر ويسعد قلبك وحياتك باولادك وبنجاحهم .ماشاء الله تحديكى للموقف اللى مريتى بيه يدل انك شخصية قويه وايمانها بالله قوى . دعواتنا لك وتقديرنا واحترامنا لك بيزيد كل يوم 

وشاركت الفنانة مروة عبد المنعم في مسلسل "بقينا اتنين"، مع النجمة رانيا يوسف، و النجم شريف منير.