نادي الزمالك
نجم الزمالك يشن هجوم ضد إدارة الزمالك ويكشف السر وراء غيابه
وجه لاعب نادي الزمالك، محمد طارق، رسالة مؤثرة عقب فسخ تعاقدة مع النادي وغلق باب القيد، وكتب "طارق" عبر خاصية الاستوري علي حسابة الشخصي بانستجرام :"بعد غلق القيد عايز أقول كلمتين .. بلاش تتخدعوا في الناس الواحد مكنش محتاج حاجة من حد غير شويه إحترام وإحترافية في التعامل لكن ده محصلش وانا مبحبش اتكلم كتير بس النهارده انا شبه هقعد شهرين من غير نادي.
وتابع لاعب نادي الزمالك قائلا : تعالو نعكسها لو أنا لاعيب وسبت النادي وهو محتاجني اوي وروحت لنادي تاني عشان فلوس أو غيرو الجمهور هيقلب الدنيا لكن لما النادي إلى أنا اتربيت فيه ولعبت وكسبت معاه بطولات وبقيت جزء ولو صغير من النادي وأكون راجع من اولمبياد وارجع علشان انزل التمرين واكلم المسئولين وشهرين محدش يرد ولا يتواصل معايا.
طارق يوجه رسالة لمسئولي النادي
وأضاف لاعب نادي الزمالك: على فكره عادي جدًا معنديش أي مانع تفسخ معايا لان هي ديه الكورة وده جزء من الاحتراف لكن انتو لا ترتقوا انكو تكونوا مسئولين في نادي كبير ولا تعرفوا يعني ايه احترام للاعب علي عكس أي نادي تاني.
وأستكمل طارق قائلا: لكن أحب اشكر الجمهور واللاعبين على كل يوم قضيتو في النادي .. واختتم رسالته قائلا : بحبكو جدا وشكرا على كل الحلو إلى عشته والبطولات إلى أخدناها سوا وأسف لو كنت قصرت في يوم من الأيام.
قرار جديد بعد خسارة السوبر
وفي سياق أخر .. يستأنف فريق نادي الزمالك تدريباته يوم الاثنين المقبل، من أجل الإستعداد لإنطلاق مسابقة الدوري المصري الممتاز.
وقرر الجهاز الفني لنادي الزمالك بقيادة المدرب البرتغالي جوزيه جوميز إعطاء لاعبي الفريق راحة لمدة يومين عقب العودة من الإمارات بعد خوض بطولة السوبر.
وسوف يعود لاعبي الفريق إلي تدريباتهم في صباح الاثنين المقبل 28 أكتوبر على ملعب النادي.
ومن الجدير بالذكر أن الفريق يستعد لخوض مباراة أمام نظيره فريق البنك الأهلي، والتي من المقرر موعدها في الأول من شهر نوفمبر المقبل علي استاد السلام وذلك في إطار مباريات الجولة الأولي من مسابقة الدوري المصري الممتاز.
