البرتقال الناعم والباذنجان الخفيف اللى بيلمع...اعرفى ازاى تنقى صح الخضار والفاكهة بتاعتك

نشر الشيف ابانوب عادل عبر صفحته الشخصية منشور ينصح فيه ربات البيوت حول كيفية الاختيار الصحيحة وازاى تعرف تنقي الخضار والفاكهة صح.

ازاى تنقى الخضار والفاكهة

الان سنستعرض لكم ازاى تنقى الخضار والفاكهة من خلال موقع الحق والضلال بحسب ما نشره الشيف ابانوب عادل:

ازاي تنقي الخضار والفاكهه 

• -البرتقال الناعم 
• -اليوسفي الخشن
• -البامية الصغيرة
• -الليمون الناعم 
• -القلقاس المدور 
• -الكاكا الطريه 
• -الكيوي الناشفه 
• -البطاطا الحمراء 
• -الكنتالوب الخشن 

• -المانجا من ريحتها 
• -التين الشوكي الاخضر 
• -الثوم الاحمر للتخزين 
• -الفراولة الصغيرة البلدي 
• -الكوسا الخشنة الخضراء
• -الكابوتشا مكتومه و تقيله
• -الموز ابو نقطه احلى طعم 
• -الخرشوف الورده المقفوله 
• -السمك عيونه تكون بتلمع 
• -الفاصوليا الخضراء المبرومه 
• -البسله المبرومه مش المبططة 
• -البلح السميكة بلون احمر داكن 
• -الباذنجان الرومي الخفيفة و بتلمع 
• -البطيخ بعنقود ناشف و تكون بترن 
• -الجوافة حجم وسط لون ابيض الناعمه
• -الكرنب تطبل و مش مكتومه و خفيفه
• -الطماطم البلح احسن من المدوره 
• -النعناع اللي عوده مضلع مش مدور 
• -الموز الأخضر شويه عمروا أطول 
• -الملوخية ورقها من الظهر خشن
• -ورق العنب الورقة الفاتحة الصغيرة 
• -الجزر الناعمة المفرودة لون برتقالي غامق 
• -الجرجير الورقة العريضة و العود القصير
• -الرمان بالضغط علي القشره يفرقع و تقيله
• -القرنبيط الجالسة البيضاء من غير فراغات
• -الخيار الخشن البلدي لون قاتم و مش معوج
• -الكمثرى الحجم الوسط فيها لون حمار بسيط 
• -البنجر المدوره الصغيره (الكبيره بتكون شايخه) 
• -اللفت المدوره الصغيره (الكبيره بتكون شايخه) 
• -الفلفل من تحت اللي ب ٤ قواعد احسن من ٣
• -الباذنجان المحشي الصغير الطري مش معوج
• -البصل المقفول من عند الرأس وناشف مش مزرع
• -البطاطس مش مزرعه و لا حفر ولا فيها بقع الوان