خناقة ما بين عدلي القيعي وعمرو أديب على الهواء.. "مش أنت اللي تتكلم عن المبادئ.. ما القصة؟
لا شك أن عدلي القيعي رئيس شركة الكرة السابق في النادي الأهلي أنه لا يفوت أي شيء يخص المارد الأحمر إلا ويعلق عليه، وتحديدا تعليق عمرو أديب الإعلامي الزملكاوي على انتقال أحمد السيد زيزو من الزمالك إلى الأهلي، وشن عدلي القيعي هجوم كبير على عمرو أديب.
عدلي القيعي يهاجم عمرو أديب
كان بداية الأزمة بتعليق عمرو أديب قال فيها في برنامجه الحكاية على قناة إم بي سي مصر، وقال نصا:
"«حركة غير شريفة من النادي الأهلي، ومحدش يقولي النادي الأهلي نادي مبادئ عشان الكلام دا غلط».
رد عدلي القيعي على عمرو أديب
صرح عدلي القيعي وجدها البعض هجـ ومية على عمرو أديب وذلك بسبب توقيع زيزو لـ الأهلي وقال:
"مش أنت يا عمرو يا أديب اللي تقيم النادي الأهلي خالص، ولا تتكلم عن مبادئ النادي الأهلي وتناقش هذا الأمر، لأن فاقد الشيء لا يعطيه.. أنا مش بشتمك بس الدليل، التناقض بتاعك، أنت قولت التعاقد مع زيزو قصة مش شريفة ومش عفيفة، ولو أحنا ركزنا معاك وسمعنا باقي الحلقة كنا هنشوف وجهك الحقيقي.. أنت متستر يا كابتن عمرو على الفكاهة عشان الناس تعدي الأمور، لكن لما بتتضايق بتطلع طبيعتك، بتسب زيزو والأهلي وكل الأشياء اللي تغنيت بيها قبل كدا وتتكلم عن المبادئ،
أصحاب المبادئ بيكونوا ثابتين على كلامهم.. مش أنت قولت دول أبناء المهنة، وبعدين موقف زيزو مختلف عن موقف رمضان صبحي اللي الأهلي كان بيستعيره كل موسم بمليون يورو، وبعدين في الأخر الأهلي قال هيشتريه، الفكرة هنا ودا أبن النادي ومن نائشيه وكان مشروع، لكنه مشي والقصة اتقفلت والناس اتجرحت، لكن يبقي حقه، أنت كمان لما حبيت تأخد عبدالله السعيد بعد نهاية عقده كنت شفاف».
عدلي القيعي يفتح النار على ميدو
شن عدلي القيعي هجوم عل عضو لجنة التخطيط في نادي الزمالك أحمد حسام ميدو، وقال أنه كان يسعى للإنضمام لـ الأهلي، ولكن المسؤولون في القلعة الحمراء رفضوا أن ينضم، وكان هذا التصريح في برنامج ملك وكتابة على قناة الأهلي الرسمية، وقال:
"بلاش نغمة إنك زملكاوي، لإن أنا أدرى، انت يا ميدو كنت بتسعى إنك تيجي النادي الأهلي وانت ناشئ، وبرضو وانت كبير.. ولما اسمك اطرح كان في تحفُظ كبير عليك من المسؤولين، والتحفظ مكنش فني».
تصريحات عدلي القيعي عن كولر
وجه عدلي القيعي رسالة إلى كولر نصحه فيها بعد الهجوم عليه الفترة الماضية بسبب هبوط أداء الأهلي، ونصحه بالمرونة في التعامل مع اللاعبين وتجنب الشدة معهم دون الحاجة، كما كان يفعل موسيماني، كما وجه رسالة إلى اللاعبين بضرورة الالتزام في الملعب طالما تحصل على راتبك من النادي، وشدد على ضرورة الفوز على صن داونز.
