خطوات استخراج بطاقة الرقم القومي أونلاين من الموبايل
من غير ما تروح السجل المدني.. خطوات استخراج بطاقة الرقم القومي أونلاين بكل سهولة من موبايلك
في ظل التحول الرقمي، بقت خدمات الأحوال المدنية متاحة أونلاين، وأبرزها خدمة استخراج بطاقة الرقم القومي من غير ما تحتاج تزور السجل المدني. دلوقتي تقدر بكل سهولة تطلع بطاقتك من موبايلك، وتوصلك لحد البيت خلال أيام. في المقال ده هنشرح لك الخطوات والشروط والتكلفة بالتفصيل.
شروط استخراج بطاقة الرقم القومي أونلاين
قبل ما تبدأ في استخراج بطاقة الرقم القومي من على الإنترنت، لازم تتأكد من توافر الشروط التالية:
- أن تكون البطاقة الحالية صالحة أو لم يمر عليها 7 سنوات، ولو عدت المدة لازم تتوجه للسجل المدني بنفسك.
- أن يكون عندك شهادة ميلاد مسجلة على قاعدة بيانات السجل المدني.
- تطابق بياناتك الحالية مع بيانات البطاقة القديمة.
خطوات استخراج بطاقة الرقم القومي أونلاين من الموبايل
كل اللي محتاجه هو موبايلك واتصال بالإنترنت، واتبع الخطوات دي:
- ادخل على موقع وزارة الداخلية الرسمي.
- أنشئ حساب جديد أو سجل الدخول لو عندك حساب.
- من القائمة، اختار "الأحوال المدنية".
- اضغط على "بطاقة الرقم القومي".
- اقرأ الشروط والأحكام واضغط "بدء الخدمة".
- املأ بياناتك الشخصية بدقة في النموذج الإلكتروني.
- حدد نوع الطلب (تجديد – بدل فاقد – أول مرة).
- اختار طريقة الدفع والعنوان اللي هتوصلك عليه البطاقة.
- اضغط على "تسجيل الطلب" واستنى رسالة تأكيد.
لا يفوتك
رسوم استخراج بطاقة الرقم القومي أونلاين
- تكلفة الخدمة: 175 جنيه مصري (غير شاملة التوصيل والضرائب).
- مدة الاستلام: تقريبًا 7 أيام عمل من تسجيل الطلب.
طرق الدفع المتاحة
أثناء عملية استخراج بطاقة الرقم القومي، تقدر تختار بين:
- الدفع أونلاين باستخدام الفيزا أو الماستر كارد.
- الدفع كاش عند استلام البطاقة من مندوب التوصيل.
مميزات استخراج بطاقة الرقم القومي أونلاين
- توفير وقت ومجهود.
- الخدمة متاحة 24 ساعة.
- استلام البطاقة في البيت بدون زحمة أو طوابير.
- وسيلة آمنة وسهلة لتجديد أو استخراج بدل فاقد.
- استخراج بطاقة الرقم القومي
- تجديد بطاقة الرقم القومي
- استخراج بطاقة الرقم القومي أونلاين
- بدل فاقد بطاقة الرقم القومي
- خطوات استخراج بطاقة الرقم القومي
- السجل المدني أونلاين