محمد فتحى يكتب بمناسبة عيد الأم العدرا مريم أعظم أم
أسمي مروان.. أعمل مدير لـ موقع الحق والضلال، واخبار مصر، ومحرر ومدون وعشقي للقراءة والتدوين بكل أشكالها وأعمل على متابعة كافة الاخبار العربية والعالمية وأكتب فى جميع المجالات.
السيدة مريم العذراء لم و لن ننساها فى عيد الأم …
محمد فتحى يكتب . العدرا مريم أعظم أم .
مريم ميم راء ياء ميم
أسم مبارك أسم عظيم
اللى ربنا أختاره و كرمه
فى كتبه أعظم تكريم
فالكتب السماوية مذكور
مكتوب بحروف من نور
أم السلام و أمنا كلنا
العدرا مريم أم النور
مستحيل تحلى الكلمات
فى يوم عيد الأمهات
غير بأسم العدرا مريم
أطهر و أعظم كل البنات
اللى ما فيه أبدا فى جمالها
اللى شالت كلمة ربنا قالها
أختارها و طهرها و كرمها
عوضها بمسيحها و أدالها
العدرا مريم أعظم أم
لما بتظهر السلام بيعم
اللى دايما تلاقى أيدها
بتطبطب و تلمس و تضم
وقت الشدة تمللى معينة
اللى وعودها تمللى أمينة
وقت الخوف وقت الضيق
دايما شط و مرسى و مينا
بركاتك دايما يا أم النور
بتداوى كل عليل مكسور
بتطيب و تجبر خواطر
بتملا القلب فرح و سرور
ده كل اللى بينادى عليها
فى الحال دايما يلاقيها
مش بتتأخر أبدا عنه
دايما بالخير مادة أيديها
مهما نحكى مهما نقول
مش راح نوصف البتول
اللى مش هنوفى حقها
مهما الكلام عنها يطول
السلام عليها و على أبنها
الأم اللى مفيش أبدا منها
كل سنة و أنتى طيبة
ياللى بتشرف بالكتابة عنها
كلمات : محمد فتحى
