عاوزة اوضح شوية حاجات عشان تعرفو حقيقية مؤسسة مجدى يعقوب

وجودي في مركز مجدي يعقوب علمني حاجات كتير

اولا انا كنت في حالة مفتقدة فيها القدوة.كل الكوادر اللي في مجالي سابو البلد

وكان عندي يأس بان الواحد مهما عمل في البلد دية مش هتتحسن.

بعدها جالي تليفون بأن المركز قرأ الايميل بتاعي اني عاوزة اتطوع في المركز لتقديم خدمات drug information and clinical pharmacy وانهم عندهم استعداد لاستقبالي لمدة شهر.

عاوزة اوضح شوية حاجات عشان تعرفو حقيقية المؤسسة:
اولا، تم قراءة ال email بتاعي و تم الرد علية و كمان كلموني تليفونيا
(فعلا فية اهتمام بوسائل الإتصال)
ثانيا: اقامتي في اسوان والطيران كانوا علي حسابي مش علي حساب المؤسسة. (تبرعكم بيروح فعلا للعلاج و للخدمات التي تقدم للمرضي)
ثالثا: المركز كان full equipped ومش بيستقبلو حالة الا لما يتأكدو ان ليها سرير يستقبلها.ودي حاجة متعارف عليها في اي مستشفي.
بالنسبة للعمليات التي تجري هناك تعتبر عمليات صعبة و عيوب خلقية دقيقة وفي عمليات منها لا تجري غير في أسوان.
رابعا: انا مش هتكلم عن الأطباء والجراحين هناك لانهم ببساطة اسمهم Young Yacoub team ودة كفاية انة يوصف مدي كفاءتهم.
انا بقي هتكلم عن التمريض، حاجة فوق الوصف (ما شاء الله). انا كصيدلانية كنت بتعلم من التمريض والله.
خامسا: المركز مش بس بيقدم مساعدة للاطفال كمان فية عمليات للكبار. كمان بيقدم اقامة لاهل المريض و وجبات اكل طول فترة الاقامة علي حساب المؤسسة.
سادسا: المركز بيتكفل بكل حاجة للطفل(من اول البامبرز و لبن الاطفال لغايت لبسة في المستشفي)
كان فية طفل شوفتة عندة مشكلة مع اللبن اللي متوفر في مصر.المؤسسة جابت لة لبن من بريطانيا مناسب لحالتةمتخيليين!
سابعا: الجو العام في المركز هو مشاركة الخبرات و تقديم الدعم للاطباء الصغيرين .كل يوم ثلاثاء فية meeting عشان نعرف ال updates اللي حصلت في العلم واذاي نطبقها في المركز.
الاطباء العالمين- زملاء د.مجدي برة- بيجو المركز بيعملو عمليات و بيعلمو ال staff الموجود الخبرات اللازمة واستشارتهم في بعض الحالاتيعني بينقل خبرة برة بداخل مصر.
الخبراء الأجانب مش بس للأطباء و للجراحين.لا كمان في خبراء للتمريض.
ثامنا: في لقاء شهري بيجمع فية كل قسم الحالات التي تم استقبلها و علاجها ولو فية مشاكل حصلت بيشوفو نسبتها اية وهل هما قصرو في حاجة اتجها ولا لا.اذاي يطورو من نفسهم.
تاسعا: المستشفي فيها بروتوكول للادوية و للاستخدام الرشيد للمضادات الحيوية.ودي حاجة مش موجودة في أغلب مستشفيات مصر للأسف.مركز مجدي يعقوب مثال رائع المفروض مستشفيات مصر تخدة قدوة في الموضوع دة بالذات.
عاشرا: انا هقول لكم علي حاجات شكلها صغير لاكن كان تأثرها في نفسي عميق:
●لما استأذنت د.مجدي اني ادخل معاة العملياتوافق ورحب (كناية عن: اي حد عاوز يشوف حاجة او يتعلم حاجة اهلا وسهلا)
●د.مجدي ماشي في المركز لوحدةمن غير حاشية بيتفقد المكان او لو عاوز يكلم حد بيروح لة (انسان عادي جدا.بسيط جداجميل جدا)
●د.مجدي بياكل معانا في الكافيتريا.عادي كدة 😊 بيقف في الطابور و يدفع فلوس عند الكاشير و يستني دورة و يقعد علي التربيزة فاضية او فيها ناس و ياكل.
انا بصراحة استغربت.واقف علي الكاشير و يطلع المحفظة!!! دة المؤسسة كلها بأسمة و بتعتة!! وساعتها اخذت درس ان عشان يخلي كل الناس ملتزمة علي القواعد المؤسسة لازم يبتدي بنفسة.مفيش حد exception الكل سواء تحت هذا السقف.

●طلبت الاسنسيرلاقيتة د.مجدي فية 😍
فضلت واقفة لغايت ما وصلت الدور التالت مع اني كنت عاوزة الدور الاول.

وجودي في المركز اعطاني آمل واسترجعت احساس القدوة اللي كنت مفتقداة
انسان عندة فكر و رسالة
رسالتة مش بس تشمل علاج مرضي اللي يجو عيادة طبيب.لا
رسالتة بناء مركز متخصص لعلاج المصريين كافة بالمجان (بالمستوي الذي يليق بأهل بلدة بالمعايير العالمية)و الرسالة مقتصرتش علي مصر بس.عمل chain of hope التي تساعد جميع مرضي القلب علي مستوي العالم لتلقي العلاج فب المكان المناسب.
والرسالة برضو موقفنش لغايت هنا برضو.رسالتة شملت عمل جيل ثاني من الاطباء اللي هيقودو رسالتة السامية.

شكرا ‫#‏مجدي_يعقوب‬ لاستضافتك لي
وجودي عندك نقطة تحول في حياتي الشخصية و المهنيةفأنت مثال و قدوة نحتذي بيها جميعاانت فخر لكل المصريين.
‫#‏شكرا_مجدي_يعقوب_لوجودك_في_حياة_كل_المصريين‬

‫#‏انا_ادعم_مؤسسة_مجدي_يعقوب‬