تعرف علي القديس المعاصر عم نصحي الذي اصبح حديث الساعه بسوهاج

مواضيع عامه خاص لموقع الحق و الضلال

قديس عظيم بيحكى عنه اهل سوهاج اسمه #عم_نصحي رياض مجلع
امبارح عم نصحى سافر للسما
الراجل اللى كل ما يملكه فى الدنيا جلباية مهلهلة على جسمه وشال بسيط او كيس حاطة على راسه وعصايا بيسند جسمه الضعبف عليها كان غني باع كل شي ووزع أموالة علي الفقراء ووهب حياتة للكنيسة
وكان بينام في كنيسة ماري جرجس بسوهاج كان بيقبل صدقة وفلوس من ناس معينة ويوزعها علي ناس فقراء محتاجيين هو يعرفهم
بيقولوا ان سيدنا الانبا باخوم عارف انه قديس عظيم
وزى ما فى ناس كانت فى الكنيسة بتحرص تاخد بركته للاسف ناس كتير فى الشوارع كانت بتتعامل معاه وحش
واحد بيحكى عن عم نصحى وبيقول كنا رايحين دير الامير تادرس المشرقى وكان يوم حد وكان اخر اتوبيس يطلع من قدام الكنيسة وحاول يركب معانا بس المشرفة اللى كانت مسؤلة عن الدير رفضت رفض تام انة يركب وحاولنا معاها كتير لكنها اصرت على الرفض وهو قال بصوت عالى خلاص مش مهم انا اركب معاكم يلا توصلوا بالف سلامة الدير واتاسفنا لة ومشينا بس اللى حصل كان اكبر من كدة وصلنا الدير ولقينا عم نصحى لابس شماس وصل قبلنا رغم انة كان اخر اتوبيس ومفيش اى حد معاة
يحكى عنه الاستاذ ريمون فريد في مرة قالي عاوز شال جديد الوقت دة مكنش معايا فلوس اجبلة واحد جديد روحت قولت لابويا عاوز شال لعم نصحي قالي حاضر كان معاة شال ملبسهوش غير مرة واحدة راح عطهولي وعطتهولة قالي انا قوتلك جديد قوتلة دة بتاع أبويا ملبسهوش غير لبسة قالي انا بقولك جديد
فى ناس كتير على الارض قيمتها بين الناس قليلة بس عند ربنا كبيرة جدا
بقلم. شنودة حبيب