إعلامية مصرية شهيرة تستخرج أعمال سحر وشعوذة من أمام منزلها

في واقعة غريبة أفجعت الإعلامية سالي عبد السلام، جمهورها مؤكدة أنها عثرت على أشياء غريبة أمام منزلها، حيث وجدت كيس به حيوانات منوية.

سالي عبد السلام: بيعملولي سحر

وأوضحت الإعلامية سالي عبد السلام، في فيديو نشرته عبر حسابها بموقع فيس بوك، أن ما وجدته سحرا أسود لأذيتها، وطلبت من جمهورها مساعدتها.

وأضافت: حصل حاجة غريبة بقى لها فترة بتحصل عندنا، ومعرفش مين بيعمل كده، وعملت سيرش في جوجل طلع سحر أسود .

سالي عبد السلام: خايفة اروح لشيوخ

وتابعت : والله لسه ما قلت لأهلي، ولو حد يعرف يساعدني، وكل مرة بلاقي حاجات غريبة عند عتبة البيت، وقبل كده لقيت قطة متكسر عضمها وميتة وفي بوقها ورقة، وانهاردة وأنا نازلة لقيت كيس فيه حيوانات منوية ومرمي قدام الباب جوه البيت .

وأكملت: ومش أول مرة حد ييجى يرمي حاجة غريبة في المدخل على السلم نفسه قدام البيت، أنا بجد تعبت وزهقت وبيحصل بعدها مشاكل كتير فيه حد يعرف يقولي ده ايه ويساعد .

وواصلت : فيه كاميرات حوالين الكومباوند ومش بدخل حد بيتي، والموضوع ده من قبل ما أتجوز بسنة ونص، وكان بيتقال إن الثعلبة اللي عندي من زمان بسبب سحر، ومكنتش بصدق الموضوع، وخايفة أروح لشيوخ لأني ما أضمنش، ومبفوتش فرض وبشغل سورة البقرة على طول

سالي عبدالسلام تصاب بمرض الثعلبة

وفي وقت سابق تحدثت الإعلامية سالي عبد العظيم عن أزمتها مع مرض الثعلبة ، قائلة : أنا جاتلي الثعلبة 7 مرات، وأنا فاكرة كل مرة مين اللي خلى الثعلبة تيجي ليا، وفاكرة كل مرة مين اللي زعلني ونمت مقهورة .

وأضافت خلال وجودها ضيفة في برنامج كلمة أخيرة مع لميس الحديدي ، : فعلا اللي بينام زعلان بيموت، يعني أنا قعدت أمثل أن أنا قوية وجسمي رفض يمثل معايا، الثعلبة كانت بتروح وتقعد 6 شهور سنة، المرة دي كانت لسه خلصانة من رمضان ومفيش أقل من 4 شهور ورجعت ليا تاني .

مرض الثعلبة هو عبارة عن طفح جلدي تسببه عدوى فِطرية مجهولة وعادة ما تسبب ظهور بقع صلع متقشرة ومثيرة للحكة في الرأس ، وتسمى الحالة بالدودة الحلَقية، وذلك إشارةً إلى شكلها الدائري، لكن لا علاقة للديدان في هذه الحالة.