شاب يحذر من شئ خطير حدث معه ويقول احذروا هذا هو سبب اختفاء البنات المسيحيات الحقيقى

بعث شاب ونشر ما حدث معه وره قصته كعضو مجهول الهوية حتى يحذر الأهالى والشباب والبنات من هذا الفعل الخبيث الذى قد يكون سبب وراء تكرار حالات اختفاء البنات القبطية ويقول

تحذير هااام

مساء الخير… لو سمحت يا ادمن اقبل. ضروري الموقف اللي هحكيه دا.

 رجاء كل الناس تهتم بيه جدا جدا.

 احذروا هذا هو سبب اختفاء البنات المسيحيات الحقيقى

.في حد بعتلي طلب صداقه و بعتلي رساله ع الخاص انا مقبلتش الاضافه  بس رديت ع الخاص اشوف مين دا الصوت كان وحده .

طلبت افتح كاميرا نشوف بعض قولت في بالي انا راجل ميهمنيش فتحت عادي لم فتحت لقيت وحده ست عادي انتي مين و عايزة ايه .

 طلبت حاجات غريبه رفضت طبعا  مفيش ثانيه واحده لقيت الست اتحولت راجل اتضحلي  أنه ذكاء اصطناعي  .

بعدها لقيته بيساومني عايز فلوس مقابل اني ميشيرش مكالمات الفيديو اللي سجلها  انا قولتله اعمل اللي يعجبك انا مغلطش ولا قولت حاجه غلط .

.بالمناسبة كان طالب 5000جنيه وكان بيهددني انه هيبعت الفديو لمراتي وكل اصحابي لو محصلش كدا.

 عملت بلوك وحذفته. للاسف بعد ما حذفته بساعه  قولت انزل المنشور دا وانا مقدرش أنزله على صفحتي عشان اكيد في ناس كتير هتقول بيكلم بنات.

دي كل الحكايه اكيد دا بيحصل مع البنات اللي بيسيبو بيت اهاليهم  ويمشو رجاء ياجماعه. بلاش تقبلوا حد متعرفهوش على الفيس واكيد دا سبب الاختفاء اللي شغال اليومين دول اسف طولت عليكم .

 اذكروني في صلواتكم

التعليقات على المنشور

فعلق Sameh Mahrous وقال

ياباشا والله اغلب الحالات مش خطف اصلا دي في بنات وستات ربنا يرحمهم مسحين بالاسم اهم حاجه بنسبالهم انو هما بيروحو كنيسه علشان محدش يشك فيهم وفي برضوا نسبه خطف بس قليل صدقني ربنا يرحمنا وربنا يرجعهم لحضنه

ورد ناجح قليني

حصل معايا نفس الموقف بالضبط

وعملتله بلاغ وحظر وربنا يسترها علي الجميع

وعلق آخر Michael Abd El Malek

Sameh Mahrous

لا تدينوا ٠٠ كي لا تدانوا

يعني حضرتك حكمت بناء علي ايه .

تعرف تفاصيل او تعرفهم شخصيا

اكيد لاء

طيب اتفق معاك اذا كانت هناك حاله او اتنين مثلا تحت ضغط او ظروف

لكن ده ميكونش تعميم

وخاصة بعد كل اللي بنشوفه

كل يوم واحده تتخطف وواحده ترجع

ده تسميه ايه حضرتك

لما بنتك ولا اختك تبقى ماشيه وتحتك بيها واحدة وتغرس فيها حقنة مخدر

ولا لما تشوف واحده ماشيه في الشارع ويترمي عليها ميه نار واكتر واكتر

بتسمي ده كله ايه