أزمة ارتداء أحد سعد لحلق وقميص شبك
مش بتاع ستات .. أحمد سعد يعلق على أزمة ارتدائه لحلق وقميص شبك والانتقادات التي تعرض لها
قام المطرب أحمد سعد، بالرد على الانتقادات التي تعرض لها في وقت سابق بسبب ظهوره مرتديا لحلق في أذنه وقميص من الشبك بأحد حفلاته.
وعلق "سعد" عبر برنامج سولد أوت الذي يقدمه الإعلامي محمود سعد قائلا .. أنا ندمان إني لبست الحلق، والغرب كتير جدا بيلبسوا الحلقان هما تقاليدهم وكدة.
سعد : الحلق ملوش علاقة بالستات
وتابع المطرب أحمد سعد قائلا :"الحلق ملهوش علاقة بالستات يعني مش بتاع الستات وبس، فيه شباب كتير بيلبسوه، وفيه موضة معينة خلاص وأضاف الدنيا بقت مفتوحة دلوقتي ومبقاش زي زمان الدنيا كلها باصة على بعض.
واستكمل الفنان أحمد سعد عن القميص الشبك أنه قام بالذهاب إلي إيطاليا ليبحث عن أكبر ستايلست ليكون مسئولا عن ما يرتديه، ولكنه في الغالب هو فعل عكس ذلك إذ أنه كان بـ "بكم" عادي وخلاه شبك، وتابع قائلا : أنا قلت ألبس على أحسن موضة وإن ميلانو هي منارة الموضة فجاب الإستايلست الجاكيت والحمد لله علشان عاداتنا وتقاليدنا هو كان معاه جيبه كمان بس قلت له لأ مش عايز أزودها، رميت الجيبة وضربت الشبك، وناس كتير كانت لبست شبك .
موقف سعد من النقد
وأوضح أحمد سعد أنه بيتضايق جدا من الناس اللي بتقوله نقد، لكن أول مرة يعجبه النقد، قعد بيتشتم 3 أيام في الأسبوع زي المضاد الحيوي، ولكن كان مبسوط أن الناس شافته منهم وجوا بيتهم .
وأضاف المطرب أحمد سعد قائلا : أنه من الممكن أن حد تاني يلبس كده ويسيبوه الناس عادي لكن الناس حابين إنه يكون في بيوتهم، ودي حاجة هو فخور بها جدا وأنه بيعمل كل ده للناس وكل الأغاني بيختارها علشان تدخل للبيوت.