ملائكة السماء تخطف روح نهلة فاروق للامجاد السمائية وصفحات الفيس تتحول لسرادق عزاء

ما أبعد أحكامك عن الفحص.. اتنين راحوا السما في خطفة عين "نهلة فاروق" إثر حادث أليم تعرضت له أثناء عودتها من الإجازة الصيفية والعروسه يوستينا عصام قبل خطوبتها بساعات قليلة .

وفاة القائدة نهلة فاروق

توفيت إلى الأمجاد السماوية القائدة نهلة فاروق فى مجموعة الثالوث بشبرا الشمالية زوجة القائد أندرو رشاد إثر تعرضها لحادث أليم أثناء عودتهما من رأس سدر.

زوجها وابنها في مستشفى رأس سدر

الكابتن أندرو ونجله موجودان في مستشفى رأس سدر لإجراء العمليات الجراحية.

وصلاة الجنازة على زوجته اليوم السبت الساعة 11 صباحا في كنيسة السيدة العذراء مريم المليحة

وتحولت صفحات الفيس بوك إلى سرادق عزاء لأنه يعتبر تلك ليس الحالة الأولى ولكن خلال أيام العشرات من الشباب رحلوا بشكل مفاجئ وجاءت التعليقات كالاتى 

والاخت اللى مقاطعة اختها بقالها سنين تكلمها

واللى متخاصم هو ومراته يتنازلوا ويحبوا بعض

محدش عارف مين هيمشى الاول

بلاش الكام سنة اللى هتعشوهم تعشوهم في خصام وزعل

يمكن مفيش بكره

هو فى ايه .يارب انتهر روح الموت اللى بيتخطف خطف دى

يارب ارحمنا

يارب نجينا

يارب استرنا

الملكه والامير

يعني ايه روح الموت. ?? هو كل شي بايد ربنا ومشيئته ولا فيه قوي تانيه بتعمل ضده ???? مش احنا بنقول له حكمه هنفهمها فيما بعد ولا ما فيش فيما بعد

Mimi Habashi

تعزيات السماء الطفل اتحرم من حضن أمه ساعدنا نقبل إرادتك بالرغم من قسوة التجربة
 

Gamal Faheem

ربنا ينيح روحها الطاهره في فردوس النعيم ، وربنا يمد ايده بالشفاء لزوجها وابنها ويعزيهم ويصبرهم.

Eglal Hana
يارب على وجع القلب دة؟.. كل يوم شباب زى الورد يروح بدرى قوى يارب عزيهم بتعزيات الروح القدس
 

Om Elnour

المسيح ينيح روحها مع ابائنا القديسين ابراهيم واسحق ويعقوب فى موضع الراحة ويمد ايدة الحلوة ويشفي زوجها وابنها ويسوع يكفينا شر الحريق والغريق وموت الطريق أمين

ربنا ينيح روحها .. ويمد أيده ويشفي كابتن أندرو وابنه ..إولهنا قادر أن يمنح العزاء والهدوء والسلام للجميع