أثارا الجدل وكأنهما خرجا من فجوة زمنية.. من هما فبرونيا وفرونيكا؟
منذ عدة أشهر، تم عرض مسلسل أم الدنيا 2، ولفت انتباه المشاهدين شقيقتان توأم كانا يقومان بدور "كاهنات أبيس" وقد أثاراوا الجدل، بل أن البعض أكد أنه شعر أنهما خرجا من حقبة زمنية وعادوا إلى عصرنا لتجسيد جزء من حياة المصريين القدماء، وكانت الموهبة الأصيلة فيهما، وملامحهما القبطية، ومعرفتهما باللغة المصرية القديمة لأنهما أقباط كل تلك العوامل كانت كفيلة في جعلهما يؤثران بقوة في المشاهدين، ويتقنان أدوراهما بشكل احترافي رغم صغر السن.
من هما التوأم فبرونيا وفرونيكا رأفت؟
كان لموقعنا الأسبقية في الحديث معهما، وعن حياتهما حيث أن المسلسل الوثائقي "أم الدنيا 2" كانت بدايتهما في عالم التمثيل، بعد أن منحهم المخرج المميز "محمود رشاد" أدوارا مؤثرة، وكانت عبقريته في استغلال الموهبة التي تظهر في فيديوهات على مواقع التواصل الاجتماعي، وملامحها المصرية الأصلية في المسلسل، ومنحهما مساحة للتعبير عن الموهبة التي يتمتعان بهما مما أدى إلى نجاح المسلسل بشكل كبير، وجدير بالذكر أنهما يعرضون فيديوهات على وسائل التواصل الاجتماعي نالت إعجاب الكثيرين، وكانت سببا في دخولهما عالم التمثيل.
مسلسل أم الدنيا 2
هو مسلسل عرض تاريخ مصر بشكل مبسط، مرور بزمن المصريين القدماء، ودخول المسيحية، حتى دخول الإسلام، وقيام الدولة المعاصرة، والمميز أن العمل كان يعرض اللغة المصرية القديمة التي يتحدث بها المسيحيين حتى الآن في الصلوات، والترانيم بالكنيسة الأرثوذوكسية.
حديثنا مع فبرونيا وفرونيكا رأفت
من الجميل أن نعلم أن مصر فيها مواهب تستحق أن تظهر للنور، ودورنا أن نسلط الضوء على المواهب التي من الممكن أن تؤثر بقوة في السينما، والتلفزيون حيث أننا في عصر التعاون الثقافي والفني من أجل النهضة بصناعة السينما، ويشرفنا أن نعرض تعريف فبرونيا وفرونيكا عن نفسهما بنفسها في الفقرة القادمة.
فبرونيا وفرونيكا
تعريف فبرونيا وفرونيكا عن نفسهما:
فبرونيا رأفت نعيم و فيرونيكا رافت نعيم
عملنا اسم مختصر لاسمنا وعملنا اكونت على الانستجرام والتيك توك باسم فيڤي توينز
احنا اخدنا اول كل حرفين من كل اسم واحده فينا من الاحرف الانجليزية
Febronia (Fe) veronika (ve) وبقي feve
فيرونيكا أكبر من فبرونيا ب 5 دقائق، من اسكندرية، مواليد 7/6/2006.
أول أعمالنا المسلسل الوثائقي ام الدنيا الجزء الثاني بطولة الفنانة سوسن بدر
بصراحه المسلسل دا جالنا بعد سنين كتير وكانت هي تعويضات ربنا لينا
كنا في مسرحية بس كنا لازم نسيبها بسبب الدراسة لأن مواعيد البروفات في مواعيد دروسنا صراحه بعد ما سبنها قعدنا نعيط كتير وزعلنا اوي وبعد سنين كتير
في شهر 8 اللي فات زي الايام دي السنه اللي فاتت شوفنا بوست على الفيس كانوا متفصل لينا بجد أنهم عايزين بنتين توام في عمر 15 ل 18 سنة ملامح مصريه ومسيحيين بصراحه احنا قولنا دا في ناس كتير كاتبين على البوست انهم توام بس احنا نبعت ونجرب مش هنخسر حاجه وبعديها على طول رد علينا وقالنا انتوا معانا وهندخلكم دلوقتي في جروب هنعرفكم كل التفاصيل.
بصراحه وقتها مكناش نعرف أي كنا فاكرين مسرحية أو فيديوهات قصيره مثلا على اليوتيوب لما دخلنا الجروب عرفنا أن هو ام الدنيا الجزء الثاني واحنا اصلا كنا متابعين الجزء الاول لان بنحب نتابع الحاجات اللي بتتكلم عن الحضارة المصرية القديمة.
كنا مبهورين بيه جدا اتفاجئنا طلبوا أننا نسافر نروح القاهرة علشان الكاست روحنا وعرفنا الدور وأننا هتكون في الحلقة الثانية وعرفنا كل تفاصيل الدور والتصوير كان بعديها بشهر كان اخر شهر 9 كان كلامنا في المسلسل باللغة القبطية عملنا دور كاهنات ابيس وكان من أصعب المشاهد مشهد التراب بجد لانو كان بيتاخد من كل زاوية من الأول برغم أن عندنا حساسية من التراب بس المشهد طلع تحفة.
وكانت الاستاذه سوسن بدر قاعدة بتتفرج علينا واحنا في البريك قالت لينا انتوا كنتوا هايلين جدا وعملتو دور صعب جدا، من صغرنا واحنا بنمثل في مسرح المدرسة والكنيسة
مثلنا الاعلي دنيا سمير غانم بنحبها اوي وكنا بتتفرج على مسلسل لهفه وهي كانت بتدور علي حلمها حتى كنا نشترك في مسرح المدرسة في الاستعراضات.
وكمان بنحب تامر حسني حبينا التمثيل منه هو من اول ما اتفرجنا علي فيلم عمر وسلمى ونور عيني ومن ساعتها واحنا حرفيا بتتفرج على كل حاجه بيعملها وحافظين أفلامه كلها مشهد مشهد اخدنا شهادات من المدرسه على المسرحيات اللي شاركنا فيها
من الصعب أن الناس تفرق بنا غير الناس قريبة جدا مننا بس ساعت بردوا بيتلغبطوا ديما لما بنمشي في الشارع الناس بتكون مستغربه جدا لما بتشوفنا بيوقفونا ويسألونا هل احنا توأم ولا لا ودايما بيقولوا لينا كرم وكريم بسبب فيلم الدادة دودي.
