خناقة على الهواء بين شوبير وعصام الحضري والسبب "شوبير الصغير"
تحدث أحمد شوبير عن عصام الحضري، حيث وصفه بأنه عندما تأتي سيرة مصطفى شوبير، فإن الحضري يتعمد التقليل من شأنه، وهذا ما أكده شوبير اليوم في تصريحاته، ونعرض لكم تفاصيل الخلاف.
الخلاف بين شوبير والحضري
صرح شوبير تصريحات نارية عن الحضري قال فيها:
"كل ما تيجي سيرة مصطفى شوبير بحس أنه بيحاول يقلل منه.. بقوله ليه كده وممكن يكون إحساسي غلط وممكن يكون إحساسي إحساس أب أو مشجع أو ناقد.. حسيت بهذا الشعور وعشان كده بقوله ليه يا حضري فلو خرج يرد ويوضح وأقوله صح وكلامك تمام وميخدش بس كلامي خناقة".
شوبير يتحدث عن رمضان صبحي
هناك العديد من التصريحات حول إمكانية عودة محمد رمضان إلى الأهلي مرة أخرى، وتحدث شوبير في هذا الأمر قائلا:
"مجلس إدارة الأهلي رافض فكرة عودة رمضان صبحي، وأنا على الصعيد الشخصي أحب أشوفه من تاني بقميص الأهلي، وده ممكن يكون غلط.. رمضان صبحي اتربى في الأهلي وأنا متعاطف معاه وهو حاليا حر يروح الزمالك أو بيراميدز أو أي نادي، هو حر وعالم الاحتراف كده".
تصريحات شوبير عن نجله
تحدث شوبير عن مصطفى نجله وقال عنه تصريحات خاصة، ومنها علاقته بوالدته، وقال:
"عمري ما سألت مصطفى ابني بتاخد كام ومش بدخّل في شغله وبحبه يكافح بنفسه وهو بقى له شخصيته وحياته وسره دائما عند مامته.. مصطفى ماله بالخلاف بيني وبين حسام حسن، ومصطفى ملوش علاقة وهو عنده شغله وأنا عندي شغله ولما ضم مصطفى للمنتخب يبقى أكيد كويس ولو عايز يستبعده يبقى مش كويس.. ليا أسلوب في الشغل ولو حاجة كويسة هشيله في السما ولو غلط هنتقده وأنا رعيت أنه في مرحلة جديدة في تدريب المنتخب ويحتاج مساندة، ولما حسيت أنه محتاج مساندة يبقى دوري المساندة.. من حقي الانتقاد وأنا في الفترة دي مساند بشكل كبير لحسام وجهازه لأن النتائج كويسة".
