تصريحات الرئيس السيسي ورسائل هامة للمواطنين وحديث عن أعداء مصر ونواياهم
نعرض لكم تصريحات الرئيس السيسي الأخيرة حيث أنه ذكر مدة زمنية بعدها وعلى حد تعبيره ستكون مصر "في حتة تانية خالص" ونتعرف على تفاصيل التصريح الذي قلب وسائل التواصل الاجتماعي.
الرئيس السيسي
صرح الرئيس السيسي بالنص: "15 سنة وهنبقى في حتة تاني" وكان هذا التصريح مهم جدا بالنسبة لـ المصريين وظهر ذلك على وسائل التواصل الاجتماعي، ويذكر أن الرئيس السيسي ألقى كلمة خلال وجوده في زيارة لأكاديمية الشرطة.
تصريحات الرئيس السيسي
نتعرف على تصريحات الرئيس السيسي حيث قال سيادته:
«كانت أول مرة نشوف مواقع التواصل الاجتماعي تستخدم في تحريك الدنيا، ولغاية دلوقتي في حجم من الشائعات والكذب كتير أوي.. كفاءة الكذبة إنه يكون فيها جزء حقيقي، ثم يتحط الأجزاء الأخرى، اللي الهدف منها تعظيم الضرر، دي خطط، وده شغل، وده مش هينتهي".
حديث الرئيس السيسي عن الشائعات
تحدث الرئيس السيسي عن انتشار الشائعات في ظل تطور وسائل التواصل الاجتماعي وقال:
"زي شائعة موضوع اختطاف الأطفال والنساء، وكإن مفيش أمن، أنا هفترض إن ده موجود بالفعل، هو الصح إنك تقوم تهدها، عشان تزود أكتر بدل ما يبقى الخطف نسبة قليلة يكتر، بدل من الخراب يبقى أد كده يكون أكتر.. اوعى تفتكر إن ده حاجة داخلية، لأ، الشغل بيتعمل من أجهزة مخابرات، وأنا مش بتكلم على دول خالص، من حق الناس إنها تفكر تخربنا، لما تلعب مباراة الخصم اللي قدامك بيكون عايز يهزمك، مهارتك إنك تكون مدرب ومستعد تفشل خطته".
الرئيس السيسي يوجه رسالة نارية للمواطنين
وجه السيد الرئيس رسائل قوية للأهالي والمواطنين بشكل عام وحذرهم من أمر ربما يقلب الجولة رأسا على عقب:
«لازم تكونوا عارفين إحنا لينا خصوم، والخصوم مش مصلحتهم إن مصر تبقى كويسة، بلد فيها 120 مليونا، معدلات الحركة والنمو بتاعتها لو استمرت كده لمدة 10 أو 15 سنة هنكون في حتة تانية، بفضل الله، مع غيري، مع اللي بعدي، متقعدوش كل شوية تهدوا في بلدكم».
السيسي يتحدث عن أهل الشر
أكمل الرئيس السيسي حديثه عن أعداء مصر، وعن خططتهم المستقبلية، وقال للشعب رسائل تحذيرية منها:
"خلّوا بالكم، هما يومين واللي بعدي جاي، واللي بعد منه جاي، لكن البلد اللي قاعدة بناسها، يبقى نهد في بلدنا ولا نحافظ عليها؟! الخصم لن يتوقف وهيفضل شغال دلوقتى وبكره والسنة الجاية والسنين اللي بعدها، ودي حكمة ربنا في الوجود اللي إحنا فيه، هو التدافع بين الدول والأمم، والأمة اللي تصمد وشعبها بيركز في الأرض ويصبر ويشتغل، ربنا يديله أسباب النجاح، إحنا نحافظ على كل حتة طوب في مصر على كل شجرة على كل زرعة".
السيسي يرسل رسائل أمل
تحدث الرئيس السيسي كعادته عن الأمل وعن تدابير الله سبحانه وتعالى ضد من يريد بـ مصر شرا وقال:
«اوعى تفتكر إن ربنا يعز أبدًا اللي بيهد، بس هيتحاسب امتى؟! الدولة اللي بتهد دولة هتتحاسب امتى، انت فاكر إنه دلوقتي، ممكن بعد 10 سنوات أو 20 سنة، اوعى تخرب انت تعمر وتبني وتصلح بس، والباقي على الله سبحانه وتعالى».
