تامر حسني وبسمة بوسيل
بعد تصريحاتها عن تامر حسني .. إعلامية تنتقد بسمة بوسيل وتوجه لها رسالة قوية
هاجمت الإعلامية نهال طايل الفنانة بسمة بوسيل طليقة النجم تامر حسني، عقب التصريحات الأخيرة التي أدلت بها "بوسيل خلال أحد لقاءاتها.
وذلك عبر رسالة قوية وجهتها مقدمة برنامج تفاصيل، المذاع على قناة صدى البلد 2 لـ بسمة بوسيل وقالت خلالها: «غريب مع ثلاث أطفال، حدوث خطأ واكتئاب ودمار نفسي وحياة صعبة، ليه مع ثلاث أطفال مصححناش الخطأ!، ليه تبقي أم لثلاث أطفال غير لو إنتي زوجة مستقرة وراضية وسعيدة ومرتاحة».
نهال طايل لـ بسمة بوسيل: ليه تشوهي صورة أبو ولادك كده
وتابعت الإعلامية نهال طايل قائلة: «ليه بعد سنتين ونصف تطلعي تشوهي صورة راجل كان بينكم قصة حب على الملأ، كان بيقبل إيديها دايما وتطلع معاه في كل الحفلات والأماكن وهو بيحضنها، كانت علاقة كلها حب ومشاعر وعطاء، هل ده كان مزيف؟، ليه بعد حوالي 3 سنين تطلعي تتكلمي عن أبو ولادك كده؟».
واستكملت "طايل" رسالتها لطليقة تامر حسني حيث قالت: «ويعني إيه عايزة حد مسلم؟ هل انتي مكنتيش متجوزة راجل مسلم؟، شوفنا النجم الكبير عمرو دياب اتجوز من شيرين رضا وانفصل وبعدها من زينة عاشور وانفصل وبعدها دينا الشربيني وانفصل ولحد دلوقتي ما نعرفش ولا حكاية.. والفنان محمود العسيلي اتجوز 4 مرات وما نعرفش أي حاجة عن اللي انفصلوا، والنجم محمد حماقي انفصل عن زوجته ورجعلها تاني ولكن في فترة الانفصال ماتكلموش عن بعض، والنجم تامر عاشور اتجوز سمر أبو شقرة وانفصل واتجوز بعدها زوجته الحالية نانسي نور ومحدش عارف أي حاجة».
واختتمت الإعلامية نهال طايل رسالتها للفنانة بسمة بوسيل طليقة النجم تامر حسني متسائله: «ليه قررتي أن تعملي كده، إيه اللي وصلك لكده .. راجعي نفسك قبل فوات الأوان».
- تامر حسني وبسمة بوسيل
- بسمة بوسيل
- تامر حسني
- نهال طايل
- الإعلامية نهال طايل
- برنامج تفاصيل
- طليقة تامر حسني
- النجم تامر حسني
- الفنانة بسمة بوسيل
