بمناسبة عيد الأم محمد فتحى يكتب نعيمة مسدارى أم القناعة

يا أمى فى يوم عيد الأمهات

كل سنة و أنتى جوة القلوب

تعيشى لينا و نكتبلك أغنيات

فى كتب الرضا أسمك مكتوب

نعيمة مسدارى أم سماوية

ملاك و عايش على الأرض

مفيش منها فى الدنيا دية

لا ليها قبل ولا حتى بعد

على أرض الواقع و عالنت

حتى فى سيناريو الأفلام

مشوفناش زيها أم أو ست

لا فى حقيقة ولا فى أحلام

لا فى زيها فى الخيال

ولا فى ألف ليلة و ليلة

ست فعلا ملهاش مثال

مشاعرها طيبة و جميلة

أنتى جاية منين يا أمى

من السما ولا من الجنة

السؤال ده شاغل همى

يا مين بس يجاوبنى أنا

تعيشى لينا يا أمنا نعيمة

ياللى علمتينا غنى النفوس

ورتينا أن المال مالوش قيمة

أدتينا أعظم و أغلى الدروس

ياريت بس نتعلم الدرس منها

أو نمشى مثلا على دى القاعدة

هى كانت محتاجة فعلا لكنها

رفضت أى مقابل أو مساعدة

مهما كتبت ليكى فى كلام

أو شعر أو مواويل أو أغانى

مش هتجيب زيك الأيام

أنتى حاجة مش هتتكرر تانى

نعيمة مسدارى أم القناعة

أم الكرامة و النفس و الغنى

ياريت تصدقونى يا جماعة

دى درس لينا من عند ربنا

نفسى كلامى يوصل ليكى

تشوفيه يا أمى فى عيدك

لو عليا أوطى أبوس رجليكى

كمان على راسك و أيدك

كلمات : محمد فتحى