لا صدقوني احنا مش بنشم في البيبي بتاع القسيس
كتبت لي لي جورج
فيه فيديو ظهر وانتشر علي السوشيال ميديا بتتكلم فيه واحده عن بعض المعتقدات الراسخه في اذهان الغير مسيحين وحقيقي دي من الحاجات الغريبه جدا اللي الواحد كان بيتعرضلها من بعض الناس الغير مسيحيين وهي دي اللي بتساعد في نشر الفتنه بين الديانات المختلفه زي الناس اللي بتقول انتو ازاي بتشمو وتبوسو البيبي(قصدها البراز) بتاع القسيس بتاعكم الواحد بيبقا في حاله زهول وبيبقا مش عارف يضحك علي الهبل دا ولا يحزن علي الجهل والتعاليم الخاطئه اللي بيتعلموها ضدنا وبالتالي بتولد الكره بالفطره عاوزه اقولكم لا يا حبايبي دا مش بيبي بتاع قسيس دي حاجه اسمها حنوط بتبقا زيوت عطريه ومواد ريحتها حلوه بنحطها حوالين اجساد القديسين وبناخد بركتها اللي بتبقا علي الصور دي . وعلي فكره فيه ناس كتير جدا بيبقوا فاكرين ان المسيحيين بيشمو في البيبي بتاع القسيس موقف تاني برضو بيحصل لناس كتير وحصلي ،جات بنت اختي منهاره من المدرسه فبقولها مالك فيه ايه قالتلي زميلتي اللي معايا في المدرسه بتقول لصحابها مايكلمونيش فبقولها ليه كدا طيب حصل ايه ؟¡ قالتلي اصلهم بيقولو ان المسيحيين مزيتين (مليانين زيت يعني) وكمان ريحتهم وحشه واوعو حد ياكل من الاكل بتاعها دا اكلهم معفن وكمان بيقولو اننا بنبوس بعض في راس السنه وفي القداسات وغيرو وغيرو كتيييييير من الاعتقادات الغير صحيحه بالمره طيب بالزمه لما تبقا دي اعتقادات عند عيال صغيره في المدرسه لما يكبرو هيبقو ايه وفيه غلط كبير علي الاسره انها بتربي ولادها علي الكلام الغلط واللي ملوش اي اساس من الصحه ، وبنسال بعد كدا الارهاب جه من فين والفتنه الطائفيه جات من فين ربنا يعينك يامصر علي اللي انتي فيه