ابونا بيشوي كامل يترك زفة القيامه والسبب ؟؟
كتبت رينا يوسف
كان ابونا بيشوي كامل يسير امام صورة القيامه ويقدم البخور امامها في زفة القيامة وعندما كان يسير وجد شابا يضع يدية علي خده وبدا عليه مراحل الاكتئاب الشديده فاعطي ابونا بيشوي الشورية لابونا تادرس يعقوب وذهب نحو هذا الشاب. فابتسم له وقال ممكن أحكي معاك شويه بره صحن الكنيسة ؟؟! خرج مع أبونا في خطوات بطيئة كلها إعياء !! بادره أبونا بحب : إيه يا حبيبي مالك ؟ إيه إللي مزعلك ؟؟! - أنا يا أبونا تعبان من كل ناحيه الخطية حطمتني نفسيًا وجسديًا وماديًا أنا هنا طالب مغترب ومشيت مع الأشرار أنا من يأسي ركبت الترام وأنا نفسي أتخلص من حياتي !!؟ ومعرفش إن فيه عيد ؟!! لقيت الكنيسة منوره نزلت ودخلت حتي أنا مش عارف إيه خلاني اجي هنا !!؟ أبونا حضنه بحب وأهتمام وقاله : ياحبيبي اللي جابك هنا هي محبة ربنا ليك انت غالي عليه جدا هو إتصلب وقام علشانك ودمه يغسلنا من كل خطية يلا بينا نقف نصلي مع بعض وتتناول النهارده !! - لا لا إلا التناول يابونا !! أنا مستحقش إنا مش معقول بقي يلمس جسد ربنا ده مش ممكن أبدا !! - يا حبيبي إحنا فاهمين ربنا غلط ده هو بنعمته ومحبته جه علشانا إحنا الخطاه علشان دمه الكريم ليه القدره إنه يطهرنا من كل خطيه وإحنا ربنا عطانا فرصه ثمينة خسارة كبيرة إننا نضيعها وإحنا النهارده في ليلة عيد القيامة، ربنا عايزنا نقوم بقوة قيامته من موت الخطية وناكل جسده المقدس اللي هو خبز القيامة " أنا هو الخبز الحي الذي نزل من السماء ، إن أكل أحد من هذا الخبز يحيا إلي الأبد " يوحنا 51:6