عايدة رياض مسيحية تضحى كل عام وتؤدى طقوس عيد الأضحى

قالت الفنانة عايدة رياض في تصريحات تناقلتها وسائل الإعلام: “أنها تمارس خلال موسم عيد الأضحى المبارك شعائر المسلمين، وتقدم الأضحية بعد صلاة العيد بحضور عائلتها وأقاربها وعدد من الأصدقاء وهي عادة اعتادت عليها كل عام”، الأمر الذي أثار الجدل والانتقادات ضدها.

الفنانة عايدة رياض تتصدر الترند

 وسيطرت الفنانة عايدة رياض على الترند خلال الأيام الماضية بسبب حديثها عن ذبح الأضاحي رغم أنها مسيحية وخرجت عن صمتها للرد على الجدل الدائر حول هذه التصريحات.

وكشفت الفنانة عايدة رياض عن اهتمامها الشديد بطقوس عيد الأضحى، مؤكدة أنها تضحي كل عام، قائلة: أنا ضحيت هذا العام، وبنضحي على طول الأعياد كلها أعيادنا، والزكاة في كل الأوقات. 

وليس من الضروري في الأعياد، بل هو واجبنا الإنساني، ولا أفعل هذا من أجل أحد، لكن الله وحده اللي عالم مش بالكلام،  وكلت امبارح فتة علشان وقفة عرفات، وهو الأمر الذي جعل الانتقادات تلاحقها ، لكنها لا ترى أي غرابة في تصرفاتها.

رسالة من عايدة رياض أنا مسيحية واحتفل بعيد الأضحى

وقالت عايدة رياض في رسالة عبر حسابها على إنستغرام: أنا مسيحية واحتفل بعيد الأضحى.

انا مش شايفة ان الموضوع كان مستاهل كل الضجة دي كوني مسيحية ويشارك في الأضاحي و باكل فتة و بنعيش أجواء العيد مع بعض و دي حاجة مش بتقلل مني او حتى بتثير الجدل.

وتابعت بالعكس ده شيء محمود جدا... الذبح عموما موجود في كل الأديان السماوية وموجود في ديانتنا وبنشترك كلنا و بنضحي و بنتجمع كالعادة و خلي اللي يتكلم يتكلم .

واضافت  و انا متعودة على ده من زمان و عمر ما حد كان بيسأل على ديانة حد ايه الدين لله و الوطن للجميع و كلنا ف الأخر مصريين اخوات و أهل و أصحاب و احبة و مفيش فرق بينا إطلاقا و لما حد كان بيتكلم كلمة مش كويسة عن الإسلام كنت بطلع ارد بنفسي لأننا واحد يا جماعة

واختتمت مفيش فرق بينا لأننا بنتشارك الوطن الي بيجمعنا على المحبة والود و طول عمرنا ايد واحدة وهنفضل ايد واحدة و يقول غير كدا دول ناس فاضية و انا مش عايزة ادخل في جدل مع جد مندول .. يارب دايما متجمعين في الخير و دایما اخوات و أهل وصحاب و جیران و حبایب و دایما ايد واحدة و ربنا يخلينا لبعض