ما سر هجوم نجل محمود البزاوي على صناع مسلسل "فهد البطل" بطولة أحمد العوضي؟؟
شن "كرم" نجل محمود البزاوي هجوم كبير على صناع مسلسل فهد البطل بطولة أحمد العوضي ومعه نخبة من النجوم والنجمات الشباب أشهرهم كارولين عزمي التي اشتركت مع العوضي المارثون الرمضاني الماضي في مسلسل عرب السروجي، وكان هجوم نجل محمود البزاوي على صناع المسلسل منطقي جدًا ومعه كل الحق.
هجوم نجل محمود البزاوي على صناع مسلسل فهد البطل
كتب "أكرم" نجل على صفحته الرسمية على الفيسبوك:
"ده عدم تقدير لوالدي و تاريخه انه يبقى من ابطال العمل و مش موجود على بوستر مجمع .. انا مش بقول الكلام ده من السمع انا قريت المسلسل كله و عارف كل شخصيه فيه بتعمل ايه.. عدم التقدير ده بيتعب الفنان و بيدخله في حاله نفسيه مش كويسه خالص .. قدروا كل واحد و اسمه و كفايه ظلم و مش عشان ابويا مش بيتكلم و بيسكت ده يحصل دايما على حسابه .. ياريت وتش ات تاخد قرار بتغير البوستر".
مسلسل فهد البطل
المسلسل به نخبة كبيرة من نجوم الصف الأول ومنهم:
أحمد العوضي، ميرنا نور الدين، أحمد عبد العزيز، كارولين عزمي، يارا السكري، لوسي، صفوة، محمود البزاوي، حجاج عبد العظيم، أحمد ماجد، عصام السقا، صفاء الطوخي، ومن تأليف محمود حمدان وإخراج محمد عبدالسلام.
نجل محمود البزاوي وكلاكيت تاني مرة!
كتب أكرم محمود البزاوي بوست آخر بعد بوست الهجوم على صناع مسلسل فهد البطل وكتب مرة أخرى:
“في رأيي الشخصي ناس كتير بتعرف تتصور بس مش الكل بيعرف يمثل، وأسف لو كنت منحاز قوي في كلامي لأبويا بس زي ما قولت ده أبويا اللي نجاحه بيسعدني أكتر ما بيسعدني نجاحي، ملحوظة: أبويا قالي إنه عامل دور مهم في الفيلم ده، ويمكن بيكدب عليا وطالع كومبارس، ساعتها هتأسف على البوست”.
