خاص موقع الحق والضلالصرح باسم يوسف في تدوينه مطوله له علي صفحته الرسميه فيس بوك قائلاطيب بعد القلش على سلاح البزازات و دار المرضعات و خلافه حان الوقت بقى اننا نسمي الأمور بمسمياتها . اللي بيحصل ده مش اسمه بيزنس جيش. أصل انا مش فاهم يعني ايه جيش يفتح مدرسة خاصة و المدرسة دي يبقى رئيس مجلس ادارتها قائد الجيش الثالث الميداني. ده الجيش الثالث اللي حارب في أكتوبر . متخيل يا مان؟ و اللي بيمضي على قرار زيادة المصروفات قائد مدفعية الجيش التالت زي ما هو موضح في الصورة؟ معقول هي وصلت لكده؟ موضوع الألبان بتاعة الأطفال اللي كانت لسبب ما موجودة في مخازن الجيش و الجيش لقاها فرصة قام نزل قش السوق ، و نكتشف ان من سنة فيه استغاثة عشان الجيش دخل البيزنس ده و حيحتكره. ده غير صور المجند اللي واقف على عربية و بيسرح يبيع سندوتشات. عشان كده ده مش اسمه بيزنس جيش. الغلط هنا مش كلمة بيزنس. الغلط هنا كلمة جيش. ده مش جيش. دول عصابة مسعورة على الفلوس مثبتين البلد بالسلاح و دورهم الوحيد في الحياة انهم يصحوا الصبح بدري يشوفوا حيدوروا السبوبة منين. ده مش جيش دول حبة سماسرة على مقاولين على مضاربين على تجار لابسين يونيفورم مموه وبيروحوا شغلهم يقبضوا الغلة. ده حتى السماسرة و المقاولين بيدفعوا ضرائب غاز كهربا جمارك تأمينات مرتبات عدلة للعمال بس دول لا. و يا ريتهم مثلا بيشتغلوا من حر مالهم لا دول بيغرفوا من ميزانية الدولة و بيستولوا على ارض الدولة و بيشغلوا بالسخرة مجندين غلابة من اولاد الدولة و بعدين بكل بجاحة يطلعوا يقولوا "ده عرق الجيش الدولة مالهاش دعوة بيه) . السيسي ماهو الا المشهلاتي اللي بيسهل البيزنس للسفاحين دول لكن المنظومة كلها فاسدة و ضارب فيها السوس.ده مش جيش. عشان كده سهل يبيع الارض و يقبض على اللي يعترض عشان ده بيوقفله البيزنس . كلمات زي جيش و قوات مسلحة طول عمرها عندها قدسية عند الناس لكن انتم مرمغتوها في التراب عشان كروشكم تكبر اكتر . دول مش جيش دي ميليشات مسلحة و لا بيهمها وطن و لا ارض و لا حدود و اللي بيموت على الحدود فعلا هو المجند اللي موقفينه على عربية السندوتشات. بس انتم واقفين هنا في محلاتكم و مدارسكم و مصانعكم و مكاتبكم بتشوفوا ازاي تنهبوا النهيبة الجاية و معاها واخدين شباب مصر كلهم رهينة في سجونكم يوم تقبلوا فيهم فدية و يوم تقفلوا عليهم لغاية لما يموتوا. اي مبادرة اي بديل مدني اي بديل جن ازرق مالوش اي تلاتين لازمة طول ما المنظومة دي موجودة و بتمص دم البلد. و يا ريتهم بيشبعوا
