نياحة قديس بسيط عظيم من سوهاج ..كل مايملكه جلبية مهلهله وشال وكيس وعصا
انتقل الي السماء العم نصحي رياض مجلع ذلك الرجل البسيط الذي لايملك الا جلباب مهلهل وشال وكيس يضعه علي راسه وعصا يسند بها جسده الهزيل وهو من سوهاج فقد كان هذا الرجل غنيا جدا ولكنه قام بتوزيع امواله علي الفقراء ووهب حياته للكنيسة .ويقول المقربين له : كان بينام في كنيسة ماري جرجس بسوهاج كان بيقبل صدقة وفلوس من ناس معينة ويوزعها علي ناس فقراء محتاجيين هو يعرفهم
بيقولوا إن سيدنا الأنبا باخوم عارف إنه قديس عظيم
وزى ما فى ناس كانت فى الكنيسة بتحرص تاخد بركته للأسف ناس كتير فى الشوارع كانت بتتعامل معاه وحش
واحد بيحكى عن عم نصحى وبيقول كنا رايحين دير الأمير تادرس المشرقى وكان يوم أحد وكان آخر أتوبيس يطلع من قدام الكنيسة وحاول يركب معانا بس المشرفة اللى كانت مسؤلة عن الدير رفضت رفض تام انة يركب وحاولنا معاها كتير لكنها أصرت على الرفض وهو قال بصوت عالى خلاص مش مهم أنا أركب معاكم يلا توصلوا بألف سلامة الدير و إعتذرنا لة ومشينا ،،
بس اللى حصل كان أكبر من كدة وصلنا الدير ولقينا عم نصحى لابس شماس وصل قبلنا رغم إنة كان آخر أتوبيس ومفيش آى حد معاة
يحكى عنه الأستاذ ريمون فريد في مرة قالي عاوز شال جديد الوقت دة مكنش معايا فلوس اجبلة واحد جديد روحت قولت لأبويا عاوز شال لعم نصحي قالي حاضر كان معاة شال ملبسهوش غير مرة واحدة راح عطهولي وعطتهولة ،،
قالي أنا قوتلك جديد قوتلة دة بتاع أبويا ملبسهوش غير لبسة قالي أنا بقولك جديد
فى ناس كتبر على الأرض قيمتها بين الناس قليلة بس عند ربنا كبيرة جدا
إذكرنا أمام عرش النعمة