قناة dmc تتسبب في موجة من السخرية والضحك بين الأقباط على السوشيال ميديا أثناء نقل قداس عيد الميلاد.. ما السبب؟
نشرت صفحة "أمسيحي أساحبي" منشور على الفيسبوك وضحت فيه أن قناة dmc التي تنقل مثلها كمثل القنوات قداس عيد الميلاد، ولكن أخطأت القناة خطأ وارد طبعا وبالطبع ليس مقصود، ولكن تسبب هذا الخطأ في موجة ضحك وسخرية حيث كتبت القناة أن القداس الحالي هو قداس "القيامة" على الرغم من أنه قداس الميلاد.
قناة dmc تثير سخرية الأقباط
نشرت قناة dmc قداس صلاة الميلاد، وكلمة الرئيس السيسي، مثلها كمثل أي قناة مصرية، وبالطبع القناة لها كل التقدير والاحترام وهو خطأ تقني، أو مطبعي وارد جدا، ويحدث في أكبر القنوات، ولكننا ننقل ردود أفعال الأقباط التي سخرت من الأمر، حيث أن هناك من علق تعليقات مثل:
"هي السنة جريت بسرعة كده".. "الأيام مبقاش فيها بركة"... "لحقنا الوقت عدى بسرعة!".
قناة dmc وقداس الميلاد
نقلت قناة dmc صلاة قداس الميلاد، ونشرت كلمة السيد الرئيس أثناء زيارة فخامته إلى كاتدرائية المسيح، وقال فخامته في رسالة واضحة للمصريين، عن الدولة، وعن إدارتها:
"كل عام وأنتم طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا.. ونأخذ بكل الأسباب لحماية بلادنا.. "إن شاء الله عام سعيد، وسنة إن شاء الله تبقى بفضل الله سبحانه وتعالى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت".
"بقول القلق مبرر ومشروع يمكن، طب ما السنين اللي فاتت كان فيها قلق، وإن شاء الله تعدي الأمور بسلام، احنا هنا في مصر في حاجات كتير اوي بنعملها محدش من الناس تاخد بالها كتير منها، أول حاجة فيها، إن احنا مش ناسيين إن في رب، وإن الرب ربنا سبحانه وتعالى".
"احنا كدولة، كنت دايما بتتعامل مع الأمور بشرف كبير، وبأمانة كبيرة، وبنزاهة كبيرة، النقطة دي بقولهالكم، لو كان المسؤول عنكم إنسان مش كويس خافوا على بلدكم، لو ايده متعاصة بدم الناس خافوا على بلدكم، لو ايده واخدة أموال الناس خافوا على بلدكم، الحمد لله رب العالمين لا دي موجودة ولا دي موجودة".
