السبب الحقيقي وراء اعتزال محمد سامي الدراما التلفزيونية.. هل طارق الشناوي السبب؟
اعتزل محمد سامي إخراج الدراما التلفزيونية، ومن الواضح في بيانه أنه لم يعد لديه جديد يقدمه في الفترة القادمة، ونلاحظ نجن أن أعمال محمد سامي متشابهة، لا يوجد فيها أي تجديد أو إبداع، أو إبتكار، حني أن طاقم الممثلين لا يتغير، الطاقم معروف، والممثلين هم هم لا جديد، وكانت نصيحة الناقد طارق الشناوي له أن يجدد من نفسه حتى لا يمل الجمهور من أعماله.
اعتزال محمد سامي
نعرض لك بيان محمد سامي الذي نشره صباح اليوم على صفحته الرسمية على الفيسبوك:
"وداعا الدراما التلفزيونية
السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور ، يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها ٢٠٢٥.
معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي.
بشكر كل حد ساعدني في الرحلة و بشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا، أدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد مالقيت نفسي بكبر و خايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة.
نصيحة طارق الشناوي
وجه طارق الشناوي نصيحة هامة إلى محمد سامي يبدو أنه عمل بها، حيث قال أن محمد سامي له توليفة خاصة به، حبها الجمهور على مدار سنوات، وحذره من أن يصل الجمهور إلى مرحلة التشبع، ونصحه أن يجد أسلوب آخر، ويغير من طريقته في أعماله الدرامية، كما نصحه بإعادة صياغة أعماله.
