الكنيسة دي حبيبتنا.. الشاعر محمد فتحي يكتب قصيدة توضح معاني الوحدة الوطنية
انتشرت قصيدة من كتابات الفنان والشاعر محمد فتحي هدفها تدشين معاني الوحدة الوطنية بين عنصري الأمة، وجدير بالذكر أن القصيدة انتشرت في وقتها حيث أن هناك بعض المتعصبين يشت=نون هجمات عبر تصريحات من حساباتهم على وسائل التواصل الاجتماعي بسبب استضافة الكنيسة لطلاب الثانوية العامة،ودعوة لدراسة المنهج في وقت انقطاع الكهرباء.
قصيدة الشاعرة محمد فتحي
محمد فتحى يكتب ... الكنيسة دى حبيبتنا .
إحنا من زمان من زمان كلنا عايشين فى امان
لا بنفرق فى لون ولا دين ولا بنفرق بين إنسان
الدين لله الوطن للجميع ان مفهمناش كلنا هنضيع
ولا هيبقى بننا امان
متقولش ارهاب جاى يدمر يالاه نتجمع و نعمر
ساعتها نخيب ظن كل جبان
سيب الملك للمالك سيب الخلق للخالق
سيب الحساب لله
خلى الدين و الملة لمالك النور و الضلة
متحاسبش غيرك لا
الكنيسة دى حبيبتنا الجامع هو بيتنا
الاتنين بيوت ربنا
هنمشى وراه الفتنة هنضيع ليه محبتنا
نخسر ليه حبنا
لازم نتفق على اننا نعدل المسألة
ولا نفرق بين اشخاص
ليه نحكم حد فينا ليه حد يلعب بينا
إحنا مش رخاص
سيدنا محمد و المسيح نزلوا بعهد صريح
امرهم بيه ربنا
لكل واحد منهم اية مكتوب فيها الهداية
تعالوا ننفذ بقلبنا
إحنا من زمان من زمان كلنا عايشين فى امان
لا بنفرق فى لون ولا دين ولا بنفرق بين انسان
الدين لله الوطن للجميع ان مفهمناش كلنا هنضيع
ولا هيبقى بننا امان
متقولش ارهاب جاى يدمر يالاه نتجمع ونعمر
ساعتها نخيب ظن كل جبان
